दिल्ली-एनसीआरसह इतर अनेक देशांमध्ये भूकंपाचे जोरदार धक्के जाणवले आहेत. भारतातील दिल्ली-एनसीआर व्यतिरिक्त जम्मू-काश्मीर, पंजाब आणि हरियाणामध्येही भूकंपाचे जोरदार धक्के जाणवले आहेत. उत्तर भारताव्यतिरिक्त अफगाणिस्तान आणि पाकिस्तानमध्येही भूकंप झाला आहे. भूकंपाची तीव्रता रिश्टर स्केलवर 6.1 इतकी नोंदवण्यात आली आहे. भूकंपाचे मुख्य केंद्र अफगाणिस्तानच्या हिंदुकुश भागात होते. उझबेकिस्तानमध्येही भूकंपाचे धक्के बसले आहेत. गेल्या आठवड्यात भारताच्या पश्चिम बंगालमध्येही भूकंपाचे धक्के जाणवले.
भूकंपामुळे जीवित किंवा वित्तहानी झाली नसल्याची माहिती सूत्रांकडून मिळाली आहे. दिल्ली, गाझियाबाद, नोएडासह भारतातील अनेक शहरांमध्ये भूकंपाचे धक्के जाणवले. भूकंपाचा हादरा इतका जोरदार होता की लोक घरातून आणि कार्यालयातून बाहेर आले. देशातील किमान 4 राज्यांमध्ये भूकंपाचे धक्के जाणवले आहेत.
पाकिस्तानातही भूकंपाचे जोरदार धक्के जाणवले :
पाकिस्तानातही भूकंपाचे जोरदार धक्के जाणवले आहेत. राजधानी इस्लामाबाद, लाहोर आणि खैबर पख्तूनख्वा येथे भूकंपाच्या धक्क्यामुळे लोक घाबरले. भूकंपाच्या धक्क्यामुळे लोक मोठ्या संख्येने रस्त्यावर आले. मात्र आजपर्यंत येथे कोणत्याही प्रकारची हानी झाल्याचे वृत्त नाही.
पाकिस्तानच्या हवामान विभागाने दिलेल्या माहितीनुसार, पाकिस्तानच्या काही भागात 6.0 रिश्टर स्केलचा भूकंप झाला. हवामान खात्याने (PMD) सोशल मीडियावर पोस्ट केले की भूकंपाचा केंद्रबिंदू अफगाणिस्तानच्या हिंदूकुश भागात होता. हिंदुकुश प्रदेशात स्थानिक वेळेनुसार दुपारी 2:20 वाजता 6.0 रिश्टर स्केल तीव्रतेचा भूकंप झाला.गेल्या वर्षी ऑक्टोबरपासून अफगाणिस्तानमध्ये दोनदा 6 किंवा त्याहून अधिक तीव्रतेचे भूकंप झाले आहेत.
गेल्या आठवड्यात भारत आणि अफगाणिस्तानातही भूकंपाचे धक्के बसले होते :
यापूर्वी, गेल्या आठवड्यात 2 जानेवारीच्या रात्री अफगाणिस्तानमध्ये अल्पावधीत दोन मोठे भूकंपाचे धक्के जाणवले होते. नॅशनल सिस्मॉलॉजी सेंटरने सांगितले की, येथील फैजाबादपासून 126 किमी पूर्वेला भूकंप झाला, त्याची तीव्रता रिश्टर स्केलवर 4.4 इतकी मोजली गेली. सुमारे अर्ध्या तासानंतर पुन्हा भूकंपाचे धक्के बसले. हा भूकंप अफगाणिस्तानच्या 100 किमी पूर्वेला झाला. रिश्टर स्केलवर त्याची तीव्रता 4.8 इतकी होती.
याच दिवशी भारताच्या पश्चिम बंगालमध्ये भूकंपाचे धक्के जाणवले. बंगालमधील अलीपुरद्वारमध्येही भूकंपाचे धक्के जाणवले. येथे त्याची तीव्रता रिश्टर स्केलवर 3.5 एवढी होती. मणिपूरच्या नैऋत्येला 26 किमी अंतरावर असलेल्या उखरुलमध्येही 3.0 तीव्रतेचा भूकंप झाला आहे .
